مكرونة بالبشاميل هى وصفتنا اليوم فى مطبخ مصراوى معكرونة بالبشاميل من احلى الاطباق التى يعشقها فتكات الكبير والصغير نضع لكم افضل واجمل طريقة لعمل صنية المكرونة بالحمة المفرومة والبشاميل نضع لكم بعض اللمسات التى تعطى مزاق رائع ومختلف لن تجدها سوا فى مدونة مصراوى الشامل الان اترككم مع وصفة طريقة عمل المكرونة بالحمة المفرومة والبشاميل عليها اتمنى ان تنال اعجابكم وبالف هنا وشفا على صحتكم وعفيتكم .
بسم الله الرحمن الرحيم
طبعا المكونات المكتوبة دى هتعمل صنية كبيرة حلوة تكفى 5 افراد
اولا مكونات تعصيج اللحمة
1- نص كيلو لحمة
2- معلقة زبدة كبيرة
3- بصلة + طمطماية + فلفلاية { مقطعين تقطيع صغير }
4- التوابل { ملح - فلفل اسود - بهرات }
طريقة طهى اللحمة
هنجيب حلة ونضع بها الزبدة على النار
نضع البصل + الطماطم + الفلفل الاخضر نقوم بالتقليب حتى التدبيل ثم نقوم بوضع اللحمة عليهم مع التقليب لمدة نصف ساعة ثم نقوم بوضع التوابل بتاعتنا على حسب الرغبة وكدة اللحمة المفرومة بتاعتنا اتعصجت نيجى للمكرونة
طبعا سليق المكرونة مفيش اسهل منة
صحيح مقدار الوصفة هنجيب كيلو الة ربع مكرونة اقلام
نضع حلة بها ماء على النار مع ورقة لورا فى الماء اثناء الغلى نقوم بوضع المكرونة لمدة ربع ساعة مع التقليب وبعدين نصفى المكرونة وبدوووون غسل المكرونة بالبشاميل مش هنغسل المكرونة هنكتفى بتصفيتها فقط
وكدة مش ناقص غير طريقة عمل خلطة البشاميل ودى هتلقيها هنا
نيجى بقى لطريقة رص صنية المكرونة
هنضيف ربع كمية الباشميل على المكرونة ونقلبها كويس
هنجيب صنية ونحط فيها معلقتين كبار من صلصة البشاميل ونوزعهم فى الصنية
نضع نصف كمية المكرونة ثم نقوم بوضع اللحمة المفرومة المعصجة
هنضيف فوق اللحمة اربع معالق من خالة الباشميل ونوزعهم عليها
نضيف نصف باقى المكرونة وبعدين نضيف باقى الباشميل على الوش وكدة تبقى انتهيت الصنية نيجى لطريقة التسوية واللمسات
طريقة التسوية
هنحمى الفرن على درجة حرارة 160 هندخل الصنية من تحت لمدة 20 دقيقة وبعدين هنخرجها ونكون محضرين بيضة عليها ملح وفلفل مضروبين فى بعض ونفردها على وش الصنية ونضيف من فوقها شويت جبنة موزاريلا + جبنة رومى وبعدين ندخلها من فوق 15 دقيقة تحت الشواية وبعدين نطلعها ونسيبها تتهوى ملحوظة هامة :- لنجاح الوصفة طبعا فى ناس كتير مش بتطلع معاهم سليمة وبتتفرفت ودة بيكون حاجة من الحاجتين ياما الباشميل خفيف على الوش ياما بتقطع الصنية وهيا سخنة فنصيحة لآزم الباشميل يكون مغطى الوش باكملة + عدم تقطيع الصنية وهيا سخنة اتبع التعليمات وهتاكلى احلى صنية صور مكرونة بالبشاميل فى عمرك .
ودة الشكل النهائى لصنية المكرونة وبالف هنا وشفا
تم الانتهاء من كتابة تدوينة طريقة عمل المكرونة بالبشاميل بالحمة المفرومة اتمنى ان تنال اعجابكم وبالف هنا وشفا احبائى فى الله اتمنى مشاركة الموضوع مع اصدقائكم على شبكات التواصل الاجتماعى فيس بوك تويتر جوجل بلس عن طريق ارزرا المشاركة اسفل التدوينة , اى استفسار او اسئلة او طلب عمل لكم وصفات اخرى اتركة تعليقتكم على الموضوع وسوف يتم الرد عليكم بالاجابة ان شاء المولى شكرا لكم كل الود والاحترام لكم ,فريق عمل مدونة مصراوى الشامل .
صديقي. إذا أعجبك الموضوع رجاءً قم بإضافة تعليق لتشجيعنا علي إضافة المزيد ..